Հայաստանի ավտոապահովագրողների բյուրոյի գործադիր տնօրեն Միսակ Բաբաջանյանի առաջարկությամբ Բյուրոյի խորհուրդը որոշում է կայացրել Բյուրոյի կազմում գործող բժշկական հանձնաժողովի անդամներ նշանակել`
Ռուբեն Ֆանարջյանին
ԵՊԲՀ ընդհանուր և էնդովասկուլյար նյարդավիրաբուժության կլինիկայի ղեկավար,
Թադևոս Հովհաննիսյանին
«Քանաքեռ-Զեյթուն» ԲԿ ակնաբուժական կլինիկայի ղեկավար։
Այս պաշտոններում վերջիններս կփոխարինեն համապատասխանաբար Անդրոնիկ Քալայջյանին և Ալեքսանդր Մալայանին։
Նշենք, որ Բյուրոյի բժշկական հանձնաժողովը նոր անդամներով համալրելու հարցը բարձրացվել է սույն թվականի հունիսի 30-ին տեղի ունեցած Բժշկական հանձնաժողովի նիստում։
Նշված նիստում Բժշկական հանձնաժողովը որոշում է կայացրել նաև ԱՊՊԱ պատահարների հետևանքով պատճառված և արտասահմանում բուժման ենթակա վնասների և համապատասխան արտասահմանյան բժշկական հաստատությունների ցանկը լրացնել հետևյալով.
|
Տուժողի առողջությանը
պատճառված վնասի տեսակը, որի գծով բժշկական օգնությունը կամ առողջության վերականգնումը Հայաստանի Հանրապետության տարածքում հնարավոր չէ արդյունավետ իրականացնել |
Հայաստանի Հանրապետության տարածքից դուրս գործող բժշկական հաստատության
անվանումը, որի կողմից համապատասխան վնասի
գծով բժշկական օգնություն ցուցաբերվելու կամ առողջության վերականգնում
իրականացվելու դիմաց տուժողն իրավունք ունի ստանալու օրենքով նախատեսված ապահովագրական հատուցում |
|
Աչք-ակնակապճի
վնասվածք՝ ակնագնդի և (կամ) ակնակապճի ոսկրերի ամբողջականության խանգարմամբ, երբ
ամբողջությամբ կամ մասնակի պահպանված է
տեսողությունը |
Մոսկվայի
Հեմհոլցի անվան աչքի հիվանդությունների գիտահետազոտական ինստիտուտ (Ռուսաստանի
Դաշնություն, Մոսկվա, Սադովայա Չերնոգրյազցկայա փող., տ. 14/19, հեռ.` (7 495) 623-73-53, ինտերնետային կայք` www.helmholtzeyeinstitute.ru) |
