Տեղի է ունեցել Բյուրոյի խորհրդի նիստ 31.07.2014
30.07.2014թ-ին տեղի է ունեցել Հայաստանի ավտոապահովագրողների բյուրոյի խորհրդի նիստ: Նիստը նախագահում էր Բյուրոյի խորհրդի նախագահ Ներսես Երիցյանը: Նիստին ներկա էին Բյուրոյի խորհրդի անդամները, Բյուրոյի գործադիր տնօրեն Միսակ Բաբաջանյանը, գործադիր տնօրենի տեղակալ Արտյոմ Նազարյանը, Բյուրոյի այլ աշխատակիցներ, ինչպես նաև ՀՀ կենտրոնական բանկի ներկայացուցիչներ: Նիստի ընթացքում քննարկվել են Բյուրոյի գործունեությանը վերաբերող տարբեր հարցեր, մասնավորապես`
• փոփոխություններ և/կամ լրացումներ են կատարվել RL 1-009, RL 1-027 կանոններում և RG 55-16 աշխատակարգում,
• «Հայաստանի ավտոապահովագրողների բյուրո» ԻԱՄ կարգապահական հանձնաժողովի նոր անդամ է ընտրվել Ալեքսանդր Խաչատուրյանը,
• «Հայաստանի ավտոապահովագրողների բյուրո» ԻԱՄ բժշկական հանձնաժողովի նոր անդամներ են ընտրվել Ռուբեն Ֆանարջյանը և Թադևոս Հովհաննիսյանը,
• խորհրդի անդամներին է ներկայացվել Հայաստանի ավտոապահովագրողների բյուրոյի գործադիր տնօրենի, գլխավոր հաշվապահի, պատասխանատու ակտուարի հաշվետվությունները 2014 թվականի 2-րդ եռամսյակի գործունեության արդյունքների վերաբերյալ,
• որոշում է կայացվել Բյուրոյի գործադիր տնօրենի պահանջով «Հայաստանի ավտոապահովագրողների բյուրո» ԻԱՄ անդամների արտահերթ ընդհանուր ժողովի գումարման վերաբերյալ և հաստատվել է ժողովի օրակարգն և ժողովի նախապատրաստման ընթացքում ժողովին մասնակցելու իրավունք ունեցող անձանց տրամադրվող նյութերի և տեղեկությունների ցանկը։
Վերոնշյալ
կանոններում փոփոխություններն ու լրացումները սահմանված կարգով կհրապարակվեն և
ուժի մեջ կմտնեն ՀՀ կենտրոնական բանկում դրանց գրանցումից հետո: