Նորություններ

Հեռ.՝ (+374 11) 551755

Կանոնների գրանցում 21.03.2017 Հայաստանի Հանրապետության կենտրոնական բանկի կողմից սույն թվականի մարտի 17-ին գրանցվել են Բյուրոյի խորհրդի կողմից հաստատված հետևյալ կանոնները (դրանց փոփոխությունները, դադարեցումները), որոնք ուժի մեջ կմտնեն 2017 թվականի ապրիլի 1-ին:

Հ/հ	Գրանցված նոր կանոնների անվանումը
1.	«ԱՊՊԱ ոլորտում փորձագետների և վերանորոգող կազմակերպությունների որակավորման» RL 1-003

Հ/հ	Փոփոխված կանոնների անվանումը
1.	«ԱՊՊԱ ընդհանուր պայմանները» RL 1-001
2.	«ԱՊՊԱ պայմանագրերի հաշվառման կարգ» RL 1-003
3.	««Հայաստանի ավտոապահովագրողների բյուրո» իրավաբանական անձանց միության անդամ ապահովագրական ընկերությունների կողմից ԱՊՊԱ ոլորտում իրականացվող գովազդի նկատմամբ պահանջների» RL 1-011
4.	««Հայաստանի ավտոապահովագրողների բյուրո» ԻԱՄ կողմից բողոք-պահանջների քննության» RL 1-033
5.	««ԱՊՊԱ ոլորտում ապահովագրական պատմության ստացման, վերանայման և բողոքարկման» RL 1-041
6.	««Ճանապարհատրանսպորտային պատահարների գրանցման գործընթացում հավաքագրվող որոշ ելակետային տվյալների ձեռք բերման համար իրավասու պետական մարմնին վճարումներ կատարելու և ապահովագրական ընկերությունների միջև այդ վճարները բաշխելու վերաբերյալ» RL 1-046

Հ/հ	Գործողությունը դադարեցրած կանոնների անվանումը
1.	«ԱՊՊԱ ոլորտում ապահովագրական պատահարի արդյունքում գույքին պատճառված վնասների գնահատման և փորձաքննության կարգի ու մեթոդաբանության, փորձագետների որակավորման կարգի, չափանիշների ու պայմանների և որակավորումից զրկման կարգի ու հիմքերի» RL 1-013
2.	«ԱՊՊԱ ոլորտում ապահովագրական պատահարի պատճառների փորձաքննություն իրականացնող փորձագետների որակավորման, նրանց հետ կնքվող պայմանագրերի գրանցման և ԱՊՊԱ ոլորտում ապահովագրական պատահարի պատճառների փորձաքննության» RL 1-014
3.	«ԱՊՊԱ ոլորտում ապահովագրական պատահարի հետևանքով տուժողին պատկանող գույքի ոչնչացման (80% և ավելի վնասի) դեպքում գույքի մնացորդային արժեքների հաշվարկման մեթոդաբանության» RL 1-015
4.	«ԱՊՊԱ ոլորտում ապահովագրական ընկերությունների կողմից ապահովագրական հատուցումների վճարման» RL 1-017
5.	««Հայաստանի ավտոապահովագրողների բյուրո» ԻԱՄ կողմից երաշխավորման ֆոնդի միջոցների հաշվին հատուցումների վճարման» RL 1-018
6.	««Հայաստանի ավտոապահովագրողների բյուրո» իրավաբանական անձանց միության անդամ ապահովագրական ընկերությունների կողմից իրենց մասնաճյուղերի և ԱՊՊԱ ոլորտում ապահովագրական գործակալի գործունեություն իրականացնող անձանց վերաբերյալ տեղեկատվության ներկայացման» RL 1-022
7.	«Տուժողին պատճառված վնասը «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի 12-րդ հոդվածի 5-րդ մասով նախատեսված առողջությանը պատճառված վնասների ցանկում ընդգրկելու մասին բժշկական հանձնաժողովի կողմից որոշման ընդունման» RL 1-025
8.	«ԱՊՊԱ ոլորտում հետադարձ պահանջի (սուբրոգացիայի) իրավունքի կիրառման» RL 1-028
9.	«ԱՊՊԱ ոլորտում ապահովագրական պատահարի հետևանքով տուժողի առողջությանը պատճառված վնասների գծով բժշկի ցուցումով բուժման շարունակականության (ամբուլատոր-ռեաբիլիտացիոն բուժման) ապահովմանն ուղղված միջոցառումների հետ կապված և այլ ծախսերի հատուցման ենթակա սահմանաչափերը և այդ ծախսերի անհրաժեշտության, հիմնավորվածության և փաստացի ապացուցվածության չափանիշների» RL 1-031
10.	«ԱՊՊԱ ոլորտում լրացուցիչ և կրկնակի փորձաքննությունների նշանակման» RL 1-032
11.	«ԱՊՊԱ պայմանագրի կնքման գործընթացին ներկայացվող պահանջների» RL 1-038
12.	«Տեղեկատվական համակարգում առկա տեղեկատվության ուղղման» RL 1-042
13.	««Հայաստանի ավտոապահովագրողների բյուրո» ԻԱՄ կողմից մասնագիտական գիտելիքների ստուգման» RL 1-045
14.	«Բոնուս-Մալուս համակարգում մեկանգամյա արտոնության տրամադրման» RL 1-047

Նոր կանոններով սպառղոների հետ ապահովագրական ընկերությունների հետ հարաբերությունները կանոնակարգող կանոններից առանձնացվել են ԱՊՊԱ ոլորտում Բյուրոյի կողմից որակավորվող անձանց՝ փորձագետների և վերանորոգող կազմակերպությունների որակավորման գործընթացների կարգավորումները՝ դրանցում կատարելով որոշակի փոփոխություններ, մասնավորապես՝

· վերանայվել են փորձագետների և վերանորոգող կազմակերպությունների որակավորման կարգը և այդ գործընթացի նկատմամբ նվազագույն պահանջները, մշակվել են վերջինների հետ կնքվող պայմանագրերի նոր ստանդարտ տիպային օրինակներ և սահմանվել են դրանց նկատմամբ նվազագույն պահանջներ,

· իրականացվել է գործընթացների օպտիմալացում, մասնավորապես՝ ֆիզիկական անձ փորձագետների որակավորումն իրականացվելու է մեկ փուլով՝ թեստավորմամբ, արդեն իսկ որակավորված անձանց պայմանագրերի գրանցումը չի պահանջելու լրացուցիչ գործընթացներ, այլ իրականացվելու է ավտոմատ՝ հիմք ընդունելով պայմանագրերի ստանդարտ տիպային ձևերը:

«ԱՊՊԱ ընդհանուր պայմանները» RL 1-001 կանոններում կատարվել են հետևյալ փոփոխությունները.

· աահմանվել է ԱՊՊԱ ոլորտում շրջանառվող փաստաթղթերում առկա տեղեկությունների հավաստիության սկզբունքը,

· ամրագրվել է դրույթ՝ ուղղված ԱՊՊԱ գործընթացներում իրականացվող ծանուցումների ժամանակ երրորդ անձանց վերաբերող անձնական տվյալների գաղտնիության ապահովմանը,

· պարզեցված հատուցման գործընթացը կիրառելի է դարձվել նաև այն դեպքերի համար, երբ կողմերից միայն մեկն ունի ԱՊՊԱ պայմանագիր,

· զեղծարարությունների դեմ պայքարի շրջանակներում ամրագրվել է ապահովագրողի իրավունքը սուբրոգացիա կիրառել այն վարորդի նկատմամբ, ով պատահարից հետո կազմված փաստաթղթերում փոխարինվել է մեկ այլ անձով,

· կանոնակարգվել է ելակետային տվյալների շտկման գործընթացը՝ պատահարի առաջացման մեջ մեղավորության որոշման անհնարինության դեպքերը հնարավորինս նվազեցնելու նպատակով:

· ամրագրվել է այն մոտեցումը, համաձայն որի՝ փորձաքննության անհնարինության դեպքում հաստատված է համարվում ելակետային տվյալներում վարորդների կողմից մեղավորության բաշխումը:

Մյուս կանոններում իրականացված փոփոխությունները և կանոնների գործողության դադարեցումները պայմանավորված են 2017 թվականի ապրիլի 1-ին ուժի մեջ մտնող նոր կանոնների ընդունմամբ:

Ի լրումն վերոհիշյալ կանոնների՝ Կենտրոնական բանկի կողմից գրանցվել են նաև ««Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-004 նոր կանոնները և ««Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-027 և «Համալիր ստուգման արդյունքներով ապահովագրական ընկերությունների նկատմամբ պատասխանատվության միջոցների կիրառման մեթոդաբանությունը» RL 1-034 կանոնների գործողության դադարեցումները, որոնք ուժի մեջ կմտնեն Բյուրոյի կանոնադրության՝ Բյուրոյի կողմից իրականացվող վերահսկողության հետ կապված հարաբերությունները կարգավորող դրույթներում համապատասխան փոփոխություններն ուժի մեջ մտնելու պահին:

<< Վերադառնալ

Թարմացվել է՝ 23.03.2017 17:25:26

Բյուրոն պատասխանատվություն չի կրում իր կայքում հղում կատարված ինտերնետային կայքերի բովանդակության ստույգության և արժանահավատության, այնտեղ տեղադրված գովազդների և տեղեկատվության օգտագործման հնարավոր հետևանքների համար: Բոլոր իրավունքները պաշտպանված են
Copyright www.paap.am 2010

Նորությունների արխիվ